ანგელოზები ჯარად ამწყობრდნენ.
დარდწაუღებელნი.
თაფლიანობას ამწარებულნი.
ერთნაირად დაკენკილი ფრთებით.
უფრჩხილებო იარა ტერფებზე
აღმა - ჩაღმა გვალვიანი ძარღვებით.
დამდნარი მუცლის ჯიბეში
ჩამონაჟონი ქვისცარცა ქვირითით
ცის მიწას დანარცხებულნი.
თვალგაჩერებულად გაისრული
ყინულის ცხიმიანი ჰერალდიკით.
კით
ჰერალდი.
ვერ ვიცანი.
ვერცერთი. არცერთი.
ერთი
არცვერც.
მოუძღოდათ
ორთო. დიდი ორთო
დოქსი.
აბჯრიანი წვერცამეტა.
ამალით. რეზინისცხვირა ამრიდებით.
დაჩვრეტილი გასამტყუნრებით.
მხრებზე - პირლულა დიდი საშლელები.
კონტრა. დიდი კონტრა
ცეპტივები.
მუხანათად არაწუწურაქები.
წამიშალეს თვალები, რომ დამენახა.
დამიტოვეს ენა.
წამიშალეს ენა, რომ მეთქვა.
დამიტოვეს სასა.
წარკვეთილი. დიდი წარკვეთილი
სასო.
წამიშალეს სასა, რომ მიმკროდა.
დამიტოვეს ყურები.
წამიშალეს ყურები, რომ მსმენოდა.
დამიტოვეს ნაოჭები.
ოჭები
ნა.
ჭებივით.
წამიშალეს ჭები, რომ დამელია.
დამიტოვეს ხელები.
წამიშალეს ხელები, რომ შეგხებოდი.
ნაოჭასხმულსაც.
დამიტოვეს ცა.
მესამე და ნახევარი.
მეშვიდეს ვერ წვდებოდნენ.
წაუშალეს გარინდულმა სუსხებმა.
წამიშალეს ცა. დამიტოვეს ღარი.
ბრბოსთან საზღვარივით
უსალბუნოდ ზეზე ღრმა.
ღარში ყინულის კუბურებიანი წყალი ჩამისხეს.
ცივი. დიდი ცივი.
დიდცივი.
ვი
ცი.
ბეღურა ჩამიგდეს წყალში.
წაუშალეს ჟღურტული.
დარიშხნით.
შხანი
დარი.
წამიშალეს შხამი სინანული.
დაძონძეს, რომ მენანა.
ნანა
მე.
წამიშალეს სისხლი, რომ მრავალწერტილწვეთები
შლამს არ მიფერებოდნენ. არ დამჭკნარიყვნენ.
რომ სისხამ დილას მეცინცხალა.
წამიშალეს ვაიმე, რომ მეგენაცვალა.
წამიშალეს შენდობა, რომ არ მეწყალწყალა.
წამიშალეს მოკარნახე, რომ სარკეში ჩამეხედა.
წამიშალეს საათი, რომ მეწუთისოფლა.
წამიშალეს ვნება, რომ მევნო.
წამიშალეს გონი, რომ მეგონა.
გონა
მე.
წამიშალეს გოგონობა, რომ მედოდონა.
დონა
დო.
წამიშალეს გული, რომ მეგულა.
რომ არ წასულიყო.
იყო
წასული.
წამიშალეს გზა, რომ მებეწვისხიდა.
სიყალბე ვერ წამიშალეს.
არ იყო.
წამიშალეს მიწა. ქანცგაცლილთა ნაქსოვი.
რომ მეცოცხლა.
თან სპილენძის ალის - კბილი ჩამომკიდეს,
რომ მერე - ვეღარ.
ალი
ლუია.
ლუია
ალი.
ის მოასულიერეს. გაასულიერეს.
ბეღურა.
ალი
ლუია.
ლუია
ალი.
მარტი, 2004
No comments:
Post a Comment